എസ് 4, എസ് 3 കോച്ചുകളിലെ യാത്രക്കാരടെ വിവരങ്ങള് പൊലീസ് ശേഖരിച്ചു തുടങ്ങി. എസ് 3 കോച്ചിലെ ശുചിമുറിയിലാണ് മൃതദേഹം കണ്ടെത്തിയത്. ഈ സാഹചര്യത്തില് രണ്ടു കോച്ചുകളിലെയും മുഴുവന് യാത്രക്കാരുടെയും മൊഴിയെടുക്കാനാണ് പൊലീസിന്റെ തീരുമാനം.
വ്യാഴാഴ്ച രാത്രി ആലപ്പുഴ റെയില്വേ സ്റ്റേഷനില് എത്തിയ ധന്ബാദ് ആലപ്പുഴ എക്സ്പ്രസിന്റെ രണ്ടു കോച്ചുകള്ക്കിടയിലെ ചവറ്റുകുട്ടയിലായിരുന്നു മൃതശരീരം. ശുചീകരണത്തൊഴിലാളികളാണു കടലാസില് പൊതിഞ്ഞ നിലയിലുള്ള മൃതദേഹം കണ്ടെത്തിയത്. അവര് അറിയിച്ചതിനെത്തുടര്ന്നു റെയില്വേ പൊലീസ് എത്തി മൃതദേഹം മെഡിക്കല് കോളജ് ആശുപത്രിയിലേക്കു മാറ്റി. ഭ്രൂണത്തിനു 3 മുതല് 4 മാസം വരെ പ്രായമുണ്ടെന്നാണു ഡോക്ടര്മാരുടെ നിഗമനം.
