പരപ്പനങ്ങാടി നഗരസഭയില്‍ തെരുവുനായകള്‍ക്ക് പേവിഷ പ്രതിരോധ കുത്തിവയ്പ്പ് യജ്ഞത്തിന് തുടക്കമായി
ആനിമല്‍ റെസ്‌ക്യൂ ഫോഴ്സിലെ ഷഫീഖിന്റെ നേതൃത്വത്തില്‍ നായകളെ വല ഉപയോഗിച്ച്‌ പിടിച്ചു. ലൈവ്‌സ്റ്റോക്ക് ഇൻസ്പെക്ടർമാരായ സമിത, പി.കെ.മേഘ എന്നിവർ 165 നായകള്‍ക്ക് പ്രതിരോധ കുത്തിവയ്പ്പ് നല്‍കി .
നഗരസഭ ഡെപ്യൂട്ടി ചെയർപേഴ്സൻ ബി.പി. ഷാഹിദയുടെ അദ്ധ്യക്ഷതയില്‍ നഗരസഭ ചെയർമാൻ പി.പി. ഷാഹുല്‍ ഹമീദ് പദ്ധതിയുടെ ഉദ്ഘാടനം നിർവഹിച്ചു. സ്റ്റാൻഡിംഗ് കമ്മിറ്റി ചെയർപേഴ്സന്മാരായ
സീനത്ത് ആലിബാപ്പു, ഖൈറുന്നീസ താഹിർ, സി. നിസാർ അഹമ്മദ്,
കൗണ്‍സിലർമാരായ അസീസ് കൂളത്ത്, കോയ അജ്യേരകത്ത്,
ജുബൈരിയ കുന്നുമ്മല്‍ എന്നിവർ സംസാരിച്ചു.
വെറ്ററിനറിസർജൻ ഡോ.കെ.വി.മുരളി പദ്ധതി വിശദീകരിച്ചു.
