വളാഞ്ചേരി-പെരിന്തല്‍മണ്ണ റോഡില്‍ ടോറസ് ലോറിയില്‍ സ്കൂട്ടർ ഇടിച്ചുണ്ടായ അപകടത്തില്‍ യുവതി മരിച്ചു.
മുന്നാക്കല്‍ സ്വദേശിനിയായ ജംഷീറയാണ് സംഭവസ്ഥലത്ത് വെച്ച്‌ തന്നെ മരണപ്പെട്ടത്. ഉച്ചയ്ക്ക് ഒരു മണിയോടെ വളാഞ്ചേരി സിഎച്ച്‌ ആശുപത്രിക്ക് സമീപത്താണ് ദാരുണമായ സംഭവം നടന്നത്.
അപകടത്തെക്കുറിച്ച്‌ പൊലീസ് നല്‍കുന്ന പ്രാഥമിക വിവരങ്ങള്‍ അനുസരിച്ച്‌, ടോറസ് ലോറിയില്‍ സ്കൂട്ടർ ഇടിച്ചാണ് അപകടമുണ്ടായത്. അപകടം നടന്നയുടൻ തന്നെ നാട്ടുകാരും പൊലീസും സ്ഥലത്തെത്തിയിരുന്നു. തുടർന്ന്, മൃതദേഹം വളാഞ്ചേരി സിഎച്ച്‌ ആശുപത്രിയിലേക്ക് മാറ്റി. ഇൻക്വസ്റ്റ് നടപടികള്‍ പൂർത്തിയാക്കിയ ശേഷം മൃതദേഹം ബന്ധുക്കള്‍ക്ക് വിട്ടുകൊടുക്കുമെന്നും പൊലീസ് അറിയിച്ചു.
